हळूहळू घरोघरी अमेरिका घुसेल... गिळून हाय भाकरी, पिझाच वावरेल
बनेल जीन्स हाच राष्ट्र-वेष आपुला गुढीस वस्त्रही नवीन जीन्सचे असेल!
नोकरांना जात कुठली, धर्म कुठला शेटजी जो तुम्हाला भेटला तो देव म्हटला शेटजी!
एक वाटी शेंदराची सांडली रस्त्यावरी अन तिथे तुमच्यामुळे बाजार भरला शेटजी...
आपल्या दोघांमधे ही गॅप का? ऐकतो मी लावण्या, तू रॅप का?
राहतो राणी तुझ्या हृदयात मी शोधते आहेस गूगल-मॅप का!
ती जाताना 'येते' म्हणून गेली अन जगण्याचे कारण बनून गेली!
म्हटली मजला 'मनात काही नाही' पण जाताना मागे बघून गेली!
तुझी ती तान आता याद येते अदा बेभान आता याद येते
तुला पाहून होते संपले जे हरवले भान आता याद येते
झेलावयास माझी छाती तयार आता घाला नव्या दमाने तुमचे प्रहार आता
मी एकटाच गातो या उत्सवात माझ्या माझ्याच गायकीवर माझी माझी मदार आता
असे जहालसे जहर तुझी नजर मनात निर्मिते कहर तुझी नजर!
कितीक टाळलेस शब्द तू तरी हळूच देतसे खबर तुझी नजर
प्रत्येक पापणीच्या पडद्यात वेदनांचे आभाळ दाटलेले प्रत्येक माणसाच्या हृदयात वादळाचे थैमान माजलेले
बाहेरच्या जगाचे पचवून वीष सारे अंतर्मनात जावे प्रत्येक सागराच्या गर्भास अमृताचे वरदान लाभलेले
तसेच ते खुळे ठराव वाचतो बजेटमधे सदैव वाढतात भाव, पाहतो बजेटमधे
अजून राहिलेत द्यायचे जुनेच कर तरी नवीन कर, नवीन घाव झेलतो बजेटमधे
भक्त झाले लोक सगळे गुंड लोकांचे भोवताली भव्य पुतळे गुंड लोकांचे
रोजची चतकोर पत्रे सभ्य लोकांची अन पहा हे भव्य मथळे गुंड लोकांचे!
या साईटवरचे साहित्य इतरांना पाठवायचे असल्यास कृपया साईटचा पत्ता इतरांना कळवावा ही विनंती. येथील साहित्य copy-paste करून इतरांना ईमेल करू नका. आपण अत्यंत संवेदनशील रसिक आहात, साहित्यचोर नाही याची जाणीव असू द्या.
साधं-सोपं.कॉम वर आपले मनःपूर्वक स्वागत!
- प्रसाद शिरगांवकर
Enter your email address:
Delivered by FeedBurner
