अखंड मैफल

तुला पाहता षड्ज छेडतो
रिषभ स्पर्शण्यासाठी
तुझी मिठी गंधार होतसे
मध्यमा तुझ्या ओठी

पंचमातली एकरूपता
श्रांत धैवतासाठी
निषाधातली आर्त पूर्तता
अपूर्ण षड्जासाठी

कोमल सारे सूर तुझे अन
तीव्रच माझ्या ओठी
सात सुरांची अखंड मैफल
तुझ्या नि माझ्यासाठी!

विनंती

या साईटवरचे साहित्य इतरांना पाठवायचे असल्यास कृपया साईटचा पत्ता इतरांना कळवावा ही विनंती. येथील साहित्य copy-paste करून इतरांना ईमेल करू नका. आपण अत्यंत संवेदनशील रसिक आहात, साहित्यचोर नाही याची जाणीव असू द्या.

शेअर करा