रमलेट : रम आणि चॉकलेटची लिक्योर!

प्रेम हे एक रसायनशास्त्र आहे! म्हणजे, ज्या व्यक्तीशी आपली केमिस्ट्री जुळते तिच्यावर प्रेम जडतं हे आहेच. पण जेंव्हा आपण प्रेमात पडतो किंवा जेंव्हा जेंव्हा आपल्या हृदयातली प्रेमाची भावना जागी होते तेंव्हा तेंव्हा आपल्या मेंदूमध्ये 'फेनाईल-थायना-माईन' (फेथामा) नावाचं एक रसायन तयार होतं!! प्रेमात पडल्यावर 'लै भारी' वगैरे जे वाटतं ते ह्या रसायनामुळे. 'आज मै उपर, आसमाँ निचे' सारख्या दीडेक कोटी प्रेमगीतांचा जन्म ह्या रसायनापोटी झाला आहे!

Average: 10 (2 votes)

संपर्क

माझ्याशी संपर्क साधण्यासाठी पुढील पैकी एका मार्गाचा वापर तुम्ही करू शकता. 

ईमेल

prasad [at] aadii [dot] net

सोशल मीडिया प्रोफाईल्स

फेसबुक: https://facebook.com/prasad.shir 

ट्विटर: https://twitter.com/prasadshir

फेसबुक पेजेस

साधं सोपं : https://www.facebook.com/sadhasopa/

कॉफी मंक - कॉफी+ रम ची लिक्योर

Old Monk ही नुसती रम नाही, तर ती एक संस्कृती, एक परंपरा आहे! ओल्ड मंकचं नाव काढल्यावर ज्यांना आपल्या विशी-पंचविशीतले रोमांचित दिवस आठवतात ती मंडळी ह्या मद्यसंस्कृतीचे शिलेदार!

विशीतले दिवस, अंगात बेक्कार रग, डोळ्यांत जग जिंकण्याची स्वप्नं, पहिल्या पहिल्या प्रेमाची वगैरे नशा किंवा दुसऱ्या-तिसऱ्या प्रेमभंगांची दुःखं आणि खिसे सदोदित रिकामे! त्याकाळात दोन-चार मित्र जमले की हमखास ओल्ड मंकची साथ असायची. 'एक चपटी पर हेड’ आणि चकणा-जेवण TTMM असा साधा हिशोब असायचा. 

Average: 10 (1 vote)

हापुसमयी (Alphanso Mango Liqueur)

तुम्ही टकीलाचे शॉट्स मारले आहेत का कधी? छोट्या शॉट ग्लासमध्ये पन्नास मिली टकीला घ्यायची, हाताच्या मुठीवर मीठ ठेवायचं आणि दुसऱ्या हातात लिंबाची फोड. पटकन तो शॉट पिऊन वर मीठ आणि लिंबू चाखायचं. छाती जाळत ते ड्रिंक पोटात जाताना जाणवतं. पण अत्यंत बेचव किंवा विचित्र चव असल्याने मीठ / लिंबू खाऊन आपण तोंडाची चव शाबूत ठेवायचा प्रयत्न करतो.

तर, 'ड्रिंकचा असा जबरदस्त शॉट पाहिजे, पण विचित्र चवी ऐवजी भन्नाट चव असली पाहिजे' असं कसं करता येईल असा विचार करत होतो आणि त्यातून 'हापुसमयी' चा जन्म झाला!!

Average: 10 (1 vote)

करवंदांची वाईन - करवंदी!!

तर 'प्रसादा'दित्याने आपला हट्ट सोडला नाही. पेरू आणि कोकमच्या वाईनच्या यशस्वी प्रयोगानंतर 'करवंदाची वाईन करता येईल का?' ह्या प्रश्नाच्या वेताळाला खांद्यावर घेऊन प्रसादादित्य निघाला!!

माझे सिनियर मित्र अण्णा उर्फ Avadhut Bapat मदतीला धावले. त्यांचे शाळामित्र अश्विन खरे यांच्या करवी जुन्नरजवळच्या आदिवासी गावात गोळा केलेली मस्त पिकलेली ताजी करवंदं त्यांनी मिळवून दिली. एखादा किलो द्या म्हणलं होतं तर अश्विनरावांनी पाच किलोचं मिनी पोतंच हातात ठेवलं माझ्या!! (मी, अण्णा आणि अश्विन तिघंही नूमवीय! भारीच्या शाळेत गेल्याचा हा असा फायदा होतो बघा!!)

मग पुढे केलेला प्रयोग असा:

Average: 10 (1 vote)

अमसूला - अर्थात कोकमची वाईन!!

मला कोकम सरबत प्रचंड आवडतं. रणरणत्या उन्हात जाऊन आल्यानंतर थंडगार कोकम सरबत पिणं हे निव्वळ स्वर्गसुख असतं.

अर्थात रणरणत्या उन्हामध्ये जाऊन आल्याबर थंडगार बीयर पिणं हे सुद्धा स्वर्गसुख असतं.

तर ह्या दोन्ही स्वर्गसुखांची युती (किंवा आघाडी म्हणा आपापल्या आवडीनुसार!) करता येतीये का असा प्रयोग करून बघुया म्हणलं आणि कोकमची वाईन (किंवा खरंतर cider) करुन बघायचं ठरवलं!

तीन लिटर पाण्यात पाऊण किलो साखर आणि चारशे मिलि कोकम आगळ घातलं (आगळ म्हणजे साखर नसलेला, नुसता कोकमचा अर्क) आणि त्याचं सरबत बनवलं.

या सरबतात पाव चमचा वाईन यीस्ट घालून ते फर्मेंट करायला ठेवलं.

Average: 10 (1 vote)